Bumisita tayo sa Philippine Comics Art Museum

Mahilig ka ba sa comics? Madalas tayo magbasa ng comics noon, at yung mga talagang nahiligan magbasa ng comics ay nagbabasa pa rin ng mga bagong comics ngayon. Pero nasaan na ang iyong mga lumang comics? Natatandaan mo pa ba ang mga istorya? Ang mga tauhan o characters? Ano ang paburito mong comics noon? Mahirap hanapin ang mga lumang comics ngayon, mas lalo na ang original comics ng mga Filipino comics legends tulad nila: Francisco V. Conching, Jesse F. Santos, Hal Santiago, Steve Gan, Rudy Florese, Alfredo P. Alcala, at marami pang iba. Kilala mo ba itong mga panggalan na ito? Siguro matatandaan mo ang mga istorya at mga popular na comics na kanilang iginuhit at isinulat kung makikita mo. Pero papanpo mo ito lahat matatandaan kung hindi mo alam kung saan ka magsisimulang maghanap? Buti na lang at mayroong Philippine Comics Art Museum online!
Ang Philippine Comics Art Museum ay gawa ni Gerry Alanguilan: isang tanyag na Philippine comic historian, collector, at comic artist. Maraming makikita at matututunan sa online museum na ito. Maaaliw ka sa dami ng mga magagandang image scans mula sa mga pahina ng mga classic Filipino comics.

(CLICK ON IMAGE FOR LARGER VIEW)

KALABOG EN BOSYO
"MGA GABI SA BILOG NA MESA"
Pilipino Komiks #187, July 31, 1954
ACE Publications

Marmi kang mababasang historical features tungkol sa mga legendary Filipino comic artists at ang mga comics na kanilang likha. Nakakatuwa at mayroong scan ng original(!) Paltik cover ni Francisco V. Coching noong 1954.

Masarap tumingin ng sari-saring mga comic scans at basahin ang mga profiles ng mga classic comic artists na nagsimula ng mundo ng comics sa Pilipinas. Magandang pag-aralan at isa-isahin ang mga profiles at dito natin matututunan ang pinagmulan ng isang art form na talagang matatawag na "sariling atin". Maa-apreciate mo ng husto ang mga classics na ito; maging comic artist ka man, o isang comic fan, ito ay isang site na dapat mong makita at pasalamatan. Heto at kilalanin nating ang mga Phillipine comic legends; bisitahin natin ang Philippine Comics Art Museum!

Get a copy of Gerry Alanguilan's NEW and original comic book: Elmer (Now available in The United Kingdom, California, and The Philippines)
Technorati Tags:comics, nostalgia